ليه أصلا استخدم لينكس ؟

ليه أصلا استخدم لينكس ؟
طب مافي وندوز موجود ؟ ليه اتعب دماغي و اتعلم نظام تاني و استب واحد تاني جنب الوندوز ؟ واهو كله نظام تشغيل و السلام!

للاجابة على سؤال زي ده لازم نبص على عدد من العوامل عشان نحدد الفرق:

*** السعر :
الوندوز غالي و اللينكس مجاني (اقصد هنا بالنسبة للمستخدم العادي مش للشركات – رغم انه ممكن الشركة تحط نظام لينكس مجاني هي كمان ) ، مش كل الناس خصوصا عندنا في الدول النامية تقدر تشتري سوفتوير غالي ، طيب اما اننا نسرق النسخة و نمشي بطال و اما اننا نضرب دماغنا في الحيط و بلاش كمبيوتر و انترنت وماله ما نعد على صوابعنا !!
تخيل جهاز كمبيوتر تمنه مثلا 1500 جنيه ( تمن الهاردوير بس ) و كمان نحط له وندوز بـ 900 جنيه و أوفيس بأكتر من 1000 و انتي فيرس بـ 400 الخ الخ هتلاقي السعر قفل على 5000 جنيه (و لو كنت مبرمج و عاوز الدوت نت اللي 6 الاف جنيه لوحده !!)
انما لو اشتريت الحهاز بس واستخدمت البرامج الحرة هتلاقي نفسك مادفعتش غير تمن الجهاز

*** الأمان :
كلنا نعرف كمية الفيروسات الرهيبة و برامج التجسس و خلافه ، ممكن تريح دماغك من الكلام ده كله لو استخدمت اللينكس ، اللينكس مولود بنظام صلاحيات رائع خلى من الصعب جدا اختراقه ( النظام ده ميكروسوفت بتحاول تعمل و احد زيه في نسخة فسيتا) و خلى الفيروسات ( خصوصا بتاعت الوندوز) حتى لو دخلت ماتقدرش تعمل اي حاجة و لا حتى تنسخ نفسها و تملا لك الهارد !!
طبعا للأمانة العلمية اللينكس مش منزل من السما ، يعني ممكن اختراقه لكن بصعوبة جدا ، وفيه حوالي 500 فيروس ليه (يعني عمليا احتمال ان يجيلك واحد منها هو صفر تقريبا) ، و فيه ثغرات زي أس سوفتوير ، بس لانه مفتوح المصدر فالمشاكل دي بتتحل سريعا و أحيانا قبل ما أي مستخدم عادي يكتشفها

*** الكفاءة : اللينكس بطبعه مش طماع ، يعني ممكن يشتغل على معظم الاجهزة القديمة و الحديثة بطريقة أسرع من غيره ، و كمان زي ما قلنا سابقا هو قابل للتعديل و التغيير ، فممكن لو عايز أحطه على خادم ( سيرفر ) اشيل منه الواجهة الرسومية تماما بحيث ما أضيعش أي من موارد الجهاز على حاجة مش محتاجها ، عكس الوندوز اللي غصب عنك فيه واجهة رسومية حتى لو انت مش محتاجه ،كمان انت ممكن تتحكم في كل حاجة فيه (مش بس تغير صورة الباكجروند !!!!) ، تخيل مثلا لو ان وظيفة معينة بيعملها النظام مش عاجباك او عايزها مثلا تتعمل بشكل مختلف ، لو انت على الوندوز مش هاتضرب دماغك في الحيط و تقنع بما عندك ! بينما على اللينكس ممكن تدخل على السورس كود (حتى السورس كود بتاع الكيرنيل) و تغير اللي انت عاوزه و تكيف و ظائف النظام على حسب احتياجاتك ، بس انت تكون فاهم ، يعني بالعربي كدة انك معاك مطلق الحرية تعمل اللي انت عاوزه بدون ما تتقيد بوجهة نظر ناس معينين (ديموقراطية ديجيتال) عشان كدة احنا بنسميها برمجيات حرة اكتر منها مجانية

***ممكن أعمل عليه حاجات كتيرة ما كنتش اتخيل اني ممكن ها فكر فيها من غير تكاليف اضافيه :
يعني ممكن أخلي جهازي الشخصي خادم ويب ( web server ) و خادم ميل ( mail server ) و ابليكيشن سيرفر ( application server ) و لـ-داب سيرفر (Ldap server)في نفس الوقت و اعمل كده في أقل من ساعة، تخيل كمية الفلوس و الارهاق اللي ممكن تحصلي لو حاولت عمل كده على الوندوز ، لاحظ ان 70% من الخوادم على مستوى العالم بتستخدم اباتشي (مفتوح المصدر) و حاول تسأل عن أسعار استضافة المواقع (web-hosting ) على سيرفرات لينكس ، أكيد هي ارخص ، اللينكس و البرمجيات الحرة ممكن تطلق فيك قدرات رائعة ماكنتش ممكن تعرف عنها من غير ما تدور على الكراكات!!!


*** نظرية "الاختلاف رحمة !”:
المنافسة الحقيقية بتزيد من التطور للمنتجات و كذلك بتمنع وجود محتكر واحد يذل المستهلكين ، و الحكمة الجميلة بتقول " السلطة المطلقة مفسدة مطلقة "! ، و طبعا خلال الكام سنة اللي فاتوا شفنا كمية الاحتكار و الذل من مايكروسوفت ( و شوف عدد قضايا الاحتكار المرفوعة ضد مايكروسوفت في كل القارات!!!) ، ممكن بكل بساطة لشركة المحتكرة توقف اصدار نسخ جديدة من برنامج معين عشان خطتها التسويقية ، و ممكن تجبر الناس على استخدام برامجها هي بس و تذل المنافسين ( بعض الشركات مش عارفة تعمل ألعاب لجهاز اكس بوكس عشان ميكروسوفت – صاحبة الجهاز – مش راضية عنها و مش عاملة دعم لألعاب الشركات دي)، و ممكن تمنع تكنولوجيتها عن المنافسين فتكون برامجها هي الأفضل ( عشان كدة ميكروسوفت اوفيس هو أفضل أوفيس سوت في العالم ! ) ،

*** الحكمة القائلة "لا تعطني السمكة ، علمني كيف أصطادها" !!:
لو قعدنا نستخدم على طول البرامج الجاهزة مش هانتعلم حاجة ابدا و عمرنا ما هانبني تكنولوجيا خاصة بينا ابدا ، المعضلة دي هي اللي خلت الباشمهندس ريتشارد ستولمان يسيب شغله في ال ام اي تي و يؤسس حركة البرمجيات الحرة في الثمانينات ، لانه حس ان كل البرامج و الأدوات انذاك تجارية و مغلقة المصدر ، فلو حاول طالب انه مثلا يتعلم عمل مترجم ( complier ) مش هيلاقي حاجة يتعلمها غير النظري من الكتب من غير ما يشوف و لو مثال عملي قدامه ، لان الشركات خانقانا و مش قادرين نعمل حاجة غير اننا نشتري منتجاتها حتى لو كانت معطوبة و بتهنج !!!
البرمجيات مفتوحة المصدر بتساعدنا نتعلم و نطور تفكيرنا ، تخيل شكل كورسات الـ أو اس من غير المينيكس و كيرنيل الماخ و اللينكس ! كان زماننا بنحفظ أو اس

*** البرمجيات الحرة تتطور أسرع: تماما على عكس ما الناس متخيلين ، ان اللينكس و البرامج الحرة قديمة و متهالكة و بتحاول تلحق ركب البرمجيات التانية ، العادي في التوزيعات المشهورة انها بيطلع منها نسخة جديدة كل 6 شهور !! (مقارنة بان الوندوز اكس بي كان في أول 2001 و الفيستا احتمال ربنا يكرمه و يطلع في 2007 !) ، ليه؟ لانها مفتوحة امام عدد كبير من المطورين و المستخدمين يزيدوا فيها و يطوروا و ينقحهوها ومش مقيد بميزانية محددة و لا ظروف تسويقية ( يعني الشركات بتأخر اصدار بعض البرامج الجديدة عشان البرامج القديمة تتباع أكثر ، و التكنولوجيا تبطئ عشان أسباب تسويقية) ، أصحاب أجهزة ال 64 بيت مزنوقين مع الوندوز (يشتروا نسخة اكس بي 64 بيت و لا يستنوا لما الفيستا يطلع و يشتروه ) بينما نسخ اللينكس ل 64 بيت موجودة من سنة 2004 (على حسب علمي و ممكن قبل كدة) ، أي هاردوير بيطلع جديد تلاقي ناس عملوله درايفر للينكس قبل أي حد

*** اختيار النخبة : الشركات العالمية و الحكومات عرفت اهمية اللينوكس و البرامج الحرة ، انا هنا بتكلم عن شركات زي اي بي ام و صن مايكروسيستمز و اوراكل و نوفل و حكومات زي الحكومة الامريكية و الالمانية و الصينية و البرازيلية
78% من أفضل 500 سوبر كمبيوتر في العالم سنة 2005 عليها لينكس (منهم أفضل 2 ) و جهازين بس من الـ 500 عليهم وندوز و الباقي عليه نسخات مختلفة من اليونكس ، سوني عملت نظام
التشغيل بتاع البلاي ستيشن عبارة عن نسخة معدلة من اللينكس ، و الأمثلة كتيرة

منتدى اولاد العم نحن لا ندعى التميز ولكننا نسعى اليه طاهر علاء

ليه أصلا استخدم لينكس ؟
طب مافي وندوز موجود ؟ ليه اتعب دماغي و اتعلم نظام تاني و استب واحد تاني جنب الوندوز ؟ واهو كله نظام تشغيل و السلام!

للاجابة على سؤال زي ده لازم نبص على عدد من العوامل عشان نحدد الفرق:

*** السعر :
الوندوز غالي و اللينكس مجاني (اقصد هنا بالنسبة للمستخدم العادي مش للشركات – رغم انه ممكن الشركة تحط نظام لينكس مجاني هي كمان ) ، مش كل الناس خصوصا عندنا في الدول النامية تقدر تشتري سوفتوير غالي ، طيب اما اننا نسرق النسخة و نمشي بطال و اما اننا نضرب دماغنا في الحيط و بلاش كمبيوتر و انترنت وماله ما نعد على صوابعنا !!
تخيل جهاز كمبيوتر تمنه مثلا 1500 جنيه ( تمن الهاردوير بس ) و كمان نحط له وندوز بـ 900 جنيه و أوفيس بأكتر من 1000 و انتي فيرس بـ 400 الخ الخ هتلاقي السعر قفل على 5000 جنيه (و لو كنت مبرمج و عاوز الدوت نت اللي 6 الاف جنيه لوحده !!)
انما لو اشتريت الحهاز بس واستخدمت البرامج الحرة هتلاقي نفسك مادفعتش غير تمن الجهاز

*** الأمان :
كلنا نعرف كمية الفيروسات الرهيبة و برامج التجسس و خلافه ، ممكن تريح دماغك من الكلام ده كله لو استخدمت اللينكس ، اللينكس مولود بنظام صلاحيات رائع خلى من الصعب جدا اختراقه ( النظام ده ميكروسوفت بتحاول تعمل و احد زيه في نسخة فسيتا) و خلى الفيروسات ( خصوصا بتاعت الوندوز) حتى لو دخلت ماتقدرش تعمل اي حاجة و لا حتى تنسخ نفسها و تملا لك الهارد !!
طبعا للأمانة العلمية اللينكس مش منزل من السما ، يعني ممكن اختراقه لكن بصعوبة جدا ، وفيه حوالي 500 فيروس ليه (يعني عمليا احتمال ان يجيلك واحد منها هو صفر تقريبا) ، و فيه ثغرات زي أس سوفتوير ، بس لانه مفتوح المصدر فالمشاكل دي بتتحل سريعا و أحيانا قبل ما أي مستخدم عادي يكتشفها

*** الكفاءة : اللينكس بطبعه مش طماع ، يعني ممكن يشتغل على معظم الاجهزة القديمة و الحديثة بطريقة أسرع من غيره ، و كمان زي ما قلنا سابقا هو قابل للتعديل و التغيير ، فممكن لو عايز أحطه على خادم ( سيرفر ) اشيل منه الواجهة الرسومية تماما بحيث ما أضيعش أي من موارد الجهاز على حاجة مش محتاجها ، عكس الوندوز اللي غصب عنك فيه واجهة رسومية حتى لو انت مش محتاجه ،كمان انت ممكن تتحكم في كل حاجة فيه (مش بس تغير صورة الباكجروند !!!!) ، تخيل مثلا لو ان وظيفة معينة بيعملها النظام مش عاجباك او عايزها مثلا تتعمل بشكل مختلف ، لو انت على الوندوز مش هاتضرب دماغك في الحيط و تقنع بما عندك ! بينما على اللينكس ممكن تدخل على السورس كود (حتى السورس كود بتاع الكيرنيل) و تغير اللي انت عاوزه و تكيف و ظائف النظام على حسب احتياجاتك ، بس انت تكون فاهم ، يعني بالعربي كدة انك معاك مطلق الحرية تعمل اللي انت عاوزه بدون ما تتقيد بوجهة نظر ناس معينين (ديموقراطية ديجيتال) عشان كدة احنا بنسميها برمجيات حرة اكتر منها مجانية

***ممكن أعمل عليه حاجات كتيرة ما كنتش اتخيل اني ممكن ها فكر فيها من غير تكاليف اضافيه :
يعني ممكن أخلي جهازي الشخصي خادم ويب ( web server ) و خادم ميل ( mail server ) و ابليكيشن سيرفر ( application server ) و لـ-داب سيرفر (Ldap server)في نفس الوقت و اعمل كده في أقل من ساعة، تخيل كمية الفلوس و الارهاق اللي ممكن تحصلي لو حاولت عمل كده على الوندوز ، لاحظ ان 70% من الخوادم على مستوى العالم بتستخدم اباتشي (مفتوح المصدر) و حاول تسأل عن أسعار استضافة المواقع (web-hosting ) على سيرفرات لينكس ، أكيد هي ارخص ، اللينكس و البرمجيات الحرة ممكن تطلق فيك قدرات رائعة ماكنتش ممكن تعرف عنها من غير ما تدور على الكراكات!!!


*** نظرية "الاختلاف رحمة !”:
المنافسة الحقيقية بتزيد من التطور للمنتجات و كذلك بتمنع وجود محتكر واحد يذل المستهلكين ، و الحكمة الجميلة بتقول " السلطة المطلقة مفسدة مطلقة "! ، و طبعا خلال الكام سنة اللي فاتوا شفنا كمية الاحتكار و الذل من مايكروسوفت ( و شوف عدد قضايا الاحتكار المرفوعة ضد مايكروسوفت في كل القارات!!!) ، ممكن بكل بساطة لشركة المحتكرة توقف اصدار نسخ جديدة من برنامج معين عشان خطتها التسويقية ، و ممكن تجبر الناس على استخدام برامجها هي بس و تذل المنافسين ( بعض الشركات مش عارفة تعمل ألعاب لجهاز اكس بوكس عشان ميكروسوفت – صاحبة الجهاز – مش راضية عنها و مش عاملة دعم لألعاب الشركات دي)، و ممكن تمنع تكنولوجيتها عن المنافسين فتكون برامجها هي الأفضل ( عشان كدة ميكروسوفت اوفيس هو أفضل أوفيس سوت في العالم ! ) ،

*** الحكمة القائلة "لا تعطني السمكة ، علمني كيف أصطادها" !!:
لو قعدنا نستخدم على طول البرامج الجاهزة مش هانتعلم حاجة ابدا و عمرنا ما هانبني تكنولوجيا خاصة بينا ابدا ، المعضلة دي هي اللي خلت الباشمهندس ريتشارد ستولمان يسيب شغله في ال ام اي تي و يؤسس حركة البرمجيات الحرة في الثمانينات ، لانه حس ان كل البرامج و الأدوات انذاك تجارية و مغلقة المصدر ، فلو حاول طالب انه مثلا يتعلم عمل مترجم ( complier ) مش هيلاقي حاجة يتعلمها غير النظري من الكتب من غير ما يشوف و لو مثال عملي قدامه ، لان الشركات خانقانا و مش قادرين نعمل حاجة غير اننا نشتري منتجاتها حتى لو كانت معطوبة و بتهنج !!!
البرمجيات مفتوحة المصدر بتساعدنا نتعلم و نطور تفكيرنا ، تخيل شكل كورسات الـ أو اس من غير المينيكس و كيرنيل الماخ و اللينكس ! كان زماننا بنحفظ أو اس

*** البرمجيات الحرة تتطور أسرع: تماما على عكس ما الناس متخيلين ، ان اللينكس و البرامج الحرة قديمة و متهالكة و بتحاول تلحق ركب البرمجيات التانية ، العادي في التوزيعات المشهورة انها بيطلع منها نسخة جديدة كل 6 شهور !! (مقارنة بان الوندوز اكس بي كان في أول 2001 و الفيستا احتمال ربنا يكرمه و يطلع في 2007 !) ، ليه؟ لانها مفتوحة امام عدد كبير من المطورين و المستخدمين يزيدوا فيها و يطوروا و ينقحهوها ومش مقيد بميزانية محددة و لا ظروف تسويقية ( يعني الشركات بتأخر اصدار بعض البرامج الجديدة عشان البرامج القديمة تتباع أكثر ، و التكنولوجيا تبطئ عشان أسباب تسويقية) ، أصحاب أجهزة ال 64 بيت مزنوقين مع الوندوز (يشتروا نسخة اكس بي 64 بيت و لا يستنوا لما الفيستا يطلع و يشتروه ) بينما نسخ اللينكس ل 64 بيت موجودة من سنة 2004 (على حسب علمي و ممكن قبل كدة) ، أي هاردوير بيطلع جديد تلاقي ناس عملوله درايفر للينكس قبل أي حد

*** اختيار النخبة : الشركات العالمية و الحكومات عرفت اهمية اللينوكس و البرامج الحرة ، انا هنا بتكلم عن شركات زي اي بي ام و صن مايكروسيستمز و اوراكل و نوفل و حكومات زي الحكومة الامريكية و الالمانية و الصينية و البرازيلية
78% من أفضل 500 سوبر كمبيوتر في العالم سنة 2005 عليها لينكس (منهم أفضل 2 ) و جهازين بس من الـ 500 عليهم وندوز و الباقي عليه نسخات مختلفة من اليونكس ، سوني عملت نظام التشغيل بتاع البلاي ستيشن عبارة عن نسخة معدلة من اللينكس ، و الأمثلة كتيرة