تحكم فى الكمبيوتر من خلال هاتفك المحمول بالرسائل جديد حدا

بسم الله الرحمن الرحيم
السلام عليكم و رحمة الله و بركاته


لأ انا مش بخرف ولا بقول كلام مالوش اساس من الصحة
أكيد مافيش حد فينا ماشافش البتنجان ده فى الافلام الامريكاني
ومن النظرة الاولي الموضوع ممكن يكون مبهر لينا
البطل بيبعت رسالة الكترونية عن طريق موبايله ،،
الكمبيوتر يستقبل الرسالة ،،
تبقي متوصلة ببرنامج الكتروني ، البرنامج ده فيه تايمر ، التايمر يفجر القنبلة
يموت الزملكاوية الاشرار ويخلص الفيلم ويتجوز شادي محمد من جينيفر لوبيز اللي ضرروي هتفقعنا اغنية فى اخر الفيلم

الحقيقة الموضوع ده استفزني جدا عملت اكثر من سيرش وماوصلتش لحاجة مقنعة
الي ان وجدت طريقة مجربة ومضمونة 100000% !!
يمكن اخر تجربة مجربها قبل ماكتب الموضوع ده ب 5 دقائق بالضبط
الساعة دلوقتي 3:55 م ومش عارف هخلص إمته كتابته
يا مسهل يارب




فيه ايه هنحتاجه ؟

اولا ال Hardware ..

1 - موبايل (هاتف محمول) يدعم ارسال رسائل بريد الكتروني (E-Mails) ،، ده بالنسبة لكل المصريين والعرب
الموضوع مش مكلف على الاطلاق خصوصا للمشتركين فى شركة زين ،، لكن مكلف شوية للمصريين
لكن اعتقد فودافون دلوقتي بجنيه تبهدل الدنيا رسائل وتولع فى الكمبيوتر بتاعك ان لزم الامر
عموما انا مش هقول طريقة معينة ازاي تبعت رسالة بريد الكتروني من موبايلك
انا هسيب الموضوع ده كل واحد يتفنن فيه زي مايحب .. المهم يبقي عنده المقدرة يبعت E-Mail من موبايله
بالنسبة للاخوة اللي فى فلسطين ونظرا لانهم فى دولة اسرائيل وبالنسبة لباقي العرب فى كل دول العالم ففيه حل ارخص شوية من موضوع الايميلات ده هقوله فى الاخر ..


2- جهاز كمبيوتر أكيد ومتوصل بالانترنت ..


ثانيا ال Software ..

هنا هيبقي فيه اللعب كله ..

1- بالنسبة للموبايل مش هنحتاج أي برامج .. زي ماقلت انا مايهمنيش انت عندك برنامج ايه على موبايلك
انا يهمني انك تبعت منه ايميل وخلاص ،،
والله بعت الايميل ده عن طريق برنامج جوجل الجديد (وده اللي انا بفضله .. تقدر تنزله عن طريق زيارة الرابط ده على موبايلك m.google.com ــ او بعته عن طريق حتي اي موقع رسائل بشكل مباشر .. كل ده مش مهم
المهم تبعت الايميل والسلام ..


2- بالنسبة للكمبيوتر مش هتحتاج لاكتر من برنامج Outlook ،، والبرنامج بالنسبة للناس اللي ماتعرفوش بينزل مع حزمة أوفيس ..
هتحتاج بس لتقنية بسيطة هنعملها دلوقتي حالا ..

نبدأ على بركة الله ،،

قبل كل شيء هوضح اننا هنعمل مثال بسيط باننا نتحكم فى الجهاز من خلال اننا نبعتله رسالة بكلمة (shutdown) فيقوم تلقائيا باغلاق نفسه ..

أولا بمجرد ماهتفتح برنامج Microsoft Outlook للمرة الاولي هتظهر قدامك نافذة معالج الاعدادات ..
ماعرفش بيسموها ايه فى اللغة العربية صح ،، لكن انا ترجمت الاسم ترجمة حرفية وخلاص ..

اختر POP3 ،، ثم إضغط Next ..
إملأ البيانات كما هو موضح ..



طبعا انا بفضل ال Gmail فى المسائل اللي زي دي لعدة اسباب
ابسطها على الاطلاق السرعة الكبيرة فى ارسال و استقبال الرسائل ..


بمجرد الانتهاء اضغط على زر More Settings...
طبق الاعدادات القادمة كما هو موضح بالصورة دون اي تغييرات ..






إضغط على OK
ثم فى نافذة الاعداد الرئيسية إضغط على Next

بعد فتح البرنامج إذهب الي ..





الخطوة دي هتخلي البرنامج يقوم بعمل تشيك على الرسائل المرسلة كل دقيقة ،،

الان اذهب الي ..



هتظهرلك النافذة التالية..



اضغط على New Rule...



قم باختيار Start from a blank rule...



إضغط على Next



قم بالتعليم على الاختيار الموضح اعلاه
ثم اضغط على كلمة Specific words
لتظهر النافذة القادمة ..



اكتب كلمة shutdown
ثم اضغط على زر add
ثم Ok
ثم اضغط Next بالنافذة الرئيسية

انزل لاسفل واختر الموضح ادناه



قم اضغط على كلمة application ..
ستظهر نافذة لاختيار البرنامج المراد تشغيله عنده وصول رسالة تحمل فى عنوانها كلمة shutdown ..




لاحظ التغييرات التي حدثت ..



هنا هتظهر مشكلة ،،
هو فين ال shutdown.bat ده ؟
وشغلته ايه ده اساسا ؟

ال shutdown.bat ده برنامج يقوم باغلاق الويندوز بكل بساطة وسهولة
البرنامج ده انت بنفسك هتعمله ..
افتح برنامج notepad
واكتب داخله الكود التالي ..


كود:
C:\windows\system32\shutdown -s -f -t 00
لو عاوز تعمل ريستارت بدل shutdown
اكتب ..


كود:
C:\windows\system32\shutdown -r -f -t 00
تقدر تغير الصفرين دول للمهلة اللي عاوز الجهاز يستناها بالثانية قبل تنفيذ امر الاغلاق ..

قم بحفظ الملف بامتداد *.bat
عموما انا هسهل عليكم العملية دي للي ناويين يجربوا
سايبلهم فى المرفقات ملف shutdown.bat
وكمان برنامج دوت نت يقوم باغلاق الويندوز بعد دقيقة ..


كده مايبقاش فاضل غير انك تبعت رسالة على ايميلك
عنوانها هو
shutdown
وهيقوم الجهاز باغلاق نفسه اوتوماتيكيا بمجرد ما البرنامج يستقبلها خلال دقيقة على الاكثر ..

طبعا الموضوع ده هيفتح افاق كبيرة جدا للتحكم فى جهازك
عاوز تقفله عن بعد
عاوز تعمله ريستارت
عاوز تشغل اغنية وتهبل اللي فى البيت الجهاز متعفرت ولا ايه
عاوز تشغل برنامج معين
عاوز تقفل برنامج معين
زي مانت عاوز الجهاز هينفذ بالرسائل وعن طريق نفس الطريقة ..


بالنسبة للاخوة الفلسطينيين والاخوة فى باقي انحاء العالم فقط
يقدروا بدل مايبعتوا رسالة بريد اليكتروني
يقدروا يبعتوا رسالة تيكست عادية جدا
يقدروا يروحوا لموقع
http://www.kwiry.com/
ويعمل اكونت مجاني ..
الموقع اثناء عملية الاعداد هيبعتلك رسالة منه فيها الرقم اللي هتقوم بارسال الرسائل له ..
وليكن مثلا 535598

هتغير بس الخطوة دي



وهتبقي بالشكل ده
535598 - shutdown
ثم تضغط على add

وبدل ماتبعت ايميل
تقدر تبعت رسالة نصية عادية جدا للرقم اللي هو هيديهولك ..
وتكتب بس فى عنوانها shutdown
والموقع تلقائيا هيستقبل الرسالة
ويرجع يحولها لإيميل
ويقوم بارسالها لجهازك ..
وبرنامج ال outlook هيقوم بالباقي



اتمني تكون الطريقة نالت رضاكم
لاي اسئلة او استفسارات تحت امركم
لا تنسونا فى صالح دعاكم
في أمان الله